Maneira atu ses husi armadilha ema nebe ho konta falsu iha social media Facebook no seluk? Tuir mai oinsa atu identifika konta falsu hirak neé hanesan tuir mai nee:
1. Konta falsu FB barak mak buka belun foun iha FB
Ema nebe ho aktu ida neé, nia obejetivu inisiu ladiak, hanesan hodi bosok ema ou atu hanesan buka belun hodi hatene ema nia lalaok moris nian. Ita tenki vijilancia nafatin ba ema nebé mak ita lakonhese hato pedido amigo/a ba ita iha FB, se diak liu lalika halo aprovasun ba ema refere.
2. Ema sira nee sei lae utiliza foto orijinal/lo-los
Atu engana/bosok utilizador FB, etc. normalmente ema nebé uja Fb falsu lae tau nia foto an/prefil lo-los. Sira prefere utiliza foto ema seluk nian nebé konhesidu ho meios oin-oin atu taka sira nia an/identidade rasik.
3. Lae iha foto barak iha sira nia konta FB
Alen de sira la uja foto orijinal/lo-los, konta falsu hirak neé iha media social Fb, etc. bain-bain sira la rai foto barak ou lae hetan “tag” foto barak ruma husi sira nia belun, normalmente sira iha deit foto produtu ruma nebé mak halo promosaun ou lae mai husi sira nia dokumentasaun privadu.
4. Sira bele sai pasivu ou bele mos ativu liu iha Fb
Utilizador Fb falsu sira neé ho uju kustume diferente balu ativu ou barak liu mak lae ativu. Ida nebé ativu sei bolu ita chat wainhira hetan aprovasaun husi ita, sira neé ho motivo oin-oin, bolu ita atu konhese diak liu husi konversa, fo promosaun ba produtu ruma. Sira nebé lae ativu ho nonok naok ita nia informasaun privadu husi Fb no nungka iha atividade komunikasaun ruma.
5. Lae atualiza sira nia status ou dala ruma deit
Embora barak mak lae atualiza sira nia status maibe normalmente FB falsu sira pasivu liu no dala ruma mos sai hanesan spiaun, diferente ho FB nebe ho konta orijinal/lolos.
Nee mak maneira badak atu identifika konta falsu iha social media Fb, etc.
Ikus liu atu fo hanoin deit ba ita hotu oinsa atu simu ema ruma atu sai belun virtual iha Fb tenki invistiga didiak antes fo aprovasaun.
